ბოლო წამებზე დადებული ლელო

17 ივნისი 2019, 23:31 3050 ნახვა

ბოლო წამებზე ლელოთი მოგებული მატჩი.

საქართველოს 20 წლამდე მორაგბეთა ნაკრებმა მსოფლიოს ჩემპიონატზე მე-9 ადგილისთვის ნახევარფინალური მატჩი ფიჯისთან ანგარიშით 12:8 მოიგო.

ქართველებს მეტოქემ ლელო მე-9 წუთზე დაუდო. მატჩის პირველი ტაიმი ჩვენმა გუნდმა მეტოქესთან ანგარიშით 0:5 წააგო.

მეორე ტაიმში ფიჯელებმა ჯარიმა ზუსტად შეასრულეს, 61- ე წუთზე იოანე იაშაღაშვილის ლელო, თედო აბჟანდაძემ ზუსტად გარდასახა და ანგარიში 7:8 გახდა.

ყველაფერი კი მატჩის მიწურულს გადაწყდა, ბოლო წუთზე კარკაძემ ლელო დადო, საქართველომ 12:8 მოიგო და ელიტაში ადგილი შეინარჩუნა. ჩვენი გუნდი შემდეგ შეხვედრას, 22 ივნისს იტალიის წინააღმდეგ გამართავს.

საქართველოს ნაკრები მომავალ წელს ზედიზედ მეხუთედ ითამაშებს მსოფლიო ჩემპიონატზე.

ქეთევან ბოლქვაძე

წამყვანი და ჟურნალისტი

ლელო რაგბი ჩვენი თამაშია გამარჯვება