სკოლის დირექტორი მოზარდის დაჭრის ფაქტს არ ადასტურებს
02 აპრილი 2018, 00:00 2176 ნახვა
მეშვიდე სკოლის დირექტორი შორენა ქონიაძე, აჭარის საზოგადოებრივ მაუწყებელთან, მოსწავლის დაჭრის ფაქტს არ ადასტურებს. ამბობს, რომ ინციდენტი დეტალები არ იცის, რადგან შემთხვევა გაკვეთილების დასრულების შემდეგ, სკოლის ტერიტორიის მიღმა მოხდა.
სასწავლო დაწესებულების ხელმძღვანელის თქმით, ბავშვი დაშავდა, თუმცა დაჭრის შესახებ ინფორმაცია არ აქვს.
დირექტორმა მოსწავლე სამედიცინო დაწესებულებაში უკვე მოინახულა.
დირექტორისგან განსხვავებით, არასრულწლოვანის დაჭრის ფაქტს შინაგან საქმეთა სამინისტროში ადასტურებენ. უწყებაში განმარტავენ, რომ გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს. სავარაუდო დამნაშავის ვინაობა ცნობილია. ისიც არასრულწლოვანია.
აჭარის განათლების სამინისტროში მომხდარზე, ოფიციალურ კომენტარს არ აკეთებენ.
დღეს, 2 აპრილს, ბათუმში მეშვიდე სკოლის მიმდებარე ტერიტორიაზე მოსწავლე დაჭრეს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
28 დეკემბრიდან 29 დეკემბრის დილამდე საქართველოში მოსალოდნელია დროგამოშვებით ნალექი, მთაში ზოგან ძლიერი თოვა და ქარბუქი - გარემო
გადასვლა პოსტზე 
მაუწყებლობა