როკის ლეგენდების კონცერტი ბათუმში
04 ივლისი 2016, 00:00 4827 ნახვაროკის ლეგენდების კონცერტი ბათუმში და უწყვეტი ოვაციები ქართველი ფანებისგან. ბათუმის ხელოვნების ცენტრში დენ მაკკაფერტის, დუგი ვაითს და ტიმ რიფერ ოუენსს როკის მოყვარულები ტაშით და შეძახილებით შეხვდნენ. 70-80-იანი წლების პოპულარული ჯგუფების, ნაზარეთის, რეინბოუს და ჯუდას პრისტის სოლისტებმა კონცერტი ბათუმში გუშინ გამართეს. შესრულდა მათი ყველაზე ცნობილი ჰიტები. აკომპანირება მსოფლიო როკის ვარსკვლავებს ბათუმის სიმფონიურმა ორკესტრმა გაუწია, რომელსაც ზვიად ბოლქვაძემ უდირიჟორა. როკის ლეგენდების გამოსვლამდე მსმენელის წინაშე ბათუმელი როკ შემსრულებლები წარდგნენ. ნიკო და გიორგი ბერიძეები, აჩიკო გოგიტიძე და მუხრან ვახტანგაძე. მათ მუხრან ვახტანგაძის 4 კომპოზიცია შეასრულეს და ცნობილი როკ ვარსკვლავების დადებითი შეფასებაც დაიმსახურეს. როკის ლეგენდების კონცერტზე დასასწრებად გუშინ ბათუმში საქართველოს სხვადასხვა ქალაქიდანაც ჩამოვიდნენ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა