თბილისში აქციებთან დაქავშირებით შსს-მ რამდენიმე ქუჩაზე მოძრაობა გადაკეტა

17 მაისი 2017, 00:00 2208 ნახვა

თბილისში აქციებთან დაკავშირებით, შინაგან საქმეთა სამინისტრომ რამდენიმე ქუჩაზე მოძრაობა გადაკეტა.

დილიდან ყველა სახის სატრანსპორტო საშუალებისთვის მოძრაობა აიკრძალა თავისუფლების მოედანზე, რუსთაველის გამზირზე და ყველა მის მკვეთ ქუჩაზე.

''შინაგან საქმეთა სამინისტრო გაცნობებთ, რომ მიმდინარე წლის 17 მაისს თბილისში დაგეგმილ აქციებთან დაკავშირებით, საზოგადოებრივი წესრიგისა და უსაფრთხოების დაცვის მიზნით, რამდენიმე ქუჩაზე მოძრაობა აიკრძალება.

16 მაისს, 21:00 საათიდან გადაიკეტება ვარდების მოედანი.

17 მაისს, 09:30 საათიდან ყველა სახის სატრანსპორტო საშუალებისთვის მოძრაობა აიკრძალება - თავისუფლების მოედანზე, ასევე, რუსთაველის გამზირზე და ყველა მის მკვეთ ქუჩაზე.

ავტომანქანები შემოვლითი გზით, რევაზ თაბუკაშვილის ქუჩის გავლით, მარჯვენა სანაპიროზე იმოძრავებენ.

სატრანსპორტო მოძრაობა აქციების დასრულებისთანავე აღდგება.'' -ნათქვამია განცხადებაში