NDI: 5 % გაზრდილია მოქალაქეების რიცხვი, ვინც ეკლესიის მუშაობას ცუდად აფასებს

15 მაისი 2017, 00:00 2925 ნახვა

გასული ორი წლის განმავლობაში, მოქალაქეების რაოდენობა სამჯერ შემცირდა, ვინც ეკლესიის მუშაობას "ძალიან კარგად" აფასებდა.

NDI კვლევების მიხედვით, მართლმადიდებლური ეკლესიის მუშაობას "ძალიან კარგად" წელს 14% მიიჩნევს, 2015 წელს კი მის საქმიანობას ასე 43% აფასებდა.

გაზრდილია იმ მოქალაქეების რაოდენობა, რომლებიც ამ ინსტიტუტს მუშაობას "კარგად" აფასებს. 2015 წელს 32 პროცენტი თვლიდა, რომ მართლმადიდებელი ეკლესია "კარგად" მუშაობდა, წელს ასე 44% ფიქრობს.

გაზრდილია 5 % იმ მოქალაქეების რიცხვი, ვინც ნეგატიურად აფასებს ეკლესიის მუშაობას, 2015 წელს გამოკითხული მოქალაქეების 1% არ მოწონდა ამ ინსტიტუტის მუშაობა, წელს 6% აფასებს მას ცუდად. "ძალიან ცუდად" მხოლოდ 1% და ეს მაჩვენებელი არ შეცვლილა.

რაც შეეხება მოქალაქეებს, რომლებმაც ეკლესიის მუშაობის შეფასებაზე უარი განაცხადა, მათი რიცხვი 2015 წელს 8% იყო, წელს 11%-ია.