ბუნებრივი აირის მიწოდება გაზგამანაწილებელ სადგურებში აღდგენილია, მოსახლეობისთვის გაზის მიწოდებას გაზგამანაწილებელი კომპანია ეტაპობრივად განახორციელებს - გაზის ტრანსპორტირების კომპანია

12 მარტი 2025, 10:59 532 ნახვა

საქართველოს გაზის ტრანსპორტირების კომპანია განცხადებას ავრცელებს. მათივე განმარტებით, ბუნებრივი გაზის მიწოდება გამორთულ გაზგამანაწილებელ სადგურებში აღდგენილია, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს.

"გაცნობებთ, რომ შპს „საქართველოს გაზის ტრანსპორტირების კომპანიამ“, ქობულეთის განშტოების 58,0 კილომეტრზე გაჟონვითი სალიკვიდაციო სამუშაოები დაასრულა.

ბუნებრივი გაზის მიწოდება გამორთულ გაზგამანაწილებელ სადგურებში აღდგენილია, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს.

შპს “საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას", - აღნიშნულია ინფორმაციაში.

აჭარის მაუწყებელი

სოც. ადმინისტრატორი