წლევანდელ საზღვაო სეზონზე შესრულებული სამსახურისთვის სპეციალური სამახსოვრო საჩუქრები გადაეცათ

30 აგვისტო 2024, 12:12 299 ნახვა

შინაგან საქმეთა სამინისტროს საგანგებო სიტუაციების მართვის სამსახურის მაშველებს წლევანდელ საზღვაო სეზონზე შესრულებული სამსახურისთვის სპეციალური სამახსოვრო საჩუქრები გადაეცათ.

უწყების ცნობით, სახანძრო-სამაშველო ძალების დეპარტამენტის უფროსის მოადგილემ - ლაშა თვაურმა და საგანგებო სიტუაციების მართვის სამსახურის ხელმძღვანელმა პირებმა მაშველებს გაწეული სამსახურისთვის მადლობა გადაუხადეს და სპეციალური ჯილდოები გადასცეს.

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები, შავი ზღვის სანაპირო ზოლის სრულ პერიმეტრზე პატრულირებენ და ევროპული სტანდარტების შესაბამისი აღჭურვილობით ასრულებენ დაკისრებულ მოვალეობას.

შინაგან საქმეთა სამინისტროს საგანგებო სიტუაციების მართვის სამსახური მოგიწოდებთ: დასვენებისას მაქსიმალურად დაიცვათ უსაფრთხოების წესები და დაემორჩილოთ მაშველების მითითებებს.

აჭარის მაუწყებელი

სოც. ადმინისტრატორი