უკრაინის არაერთ ოლქში საჰაერო განგაში იყო გამოცხადებული - უკრაინული მედია
04 ივლისი 2024, 10:24 352 ნახვა
უკრაინის არაერთ ოლქში საჰაერო განგაში იყო გამოცხადებული. უკრაინული მხარის ინფორმაციით, თავდაცვის ძალებმა დედაქალაქისკენ მიმავალი ყველა საჰაერო სამიზნე ჩამოაგდეს.
„საბრძოლო სამუშაოების შედეგად, საზენიტო-სარაკეტო ქვედანაყოფებმა, თავდაცვის ძალების მობილური საცეცხლე ჯგუფების ეკიპაჟებმა და უკრაინის შეიარაღებული ძალების საჰაერო ძალების რადიო-ელექტრონული ბრძოლის საშუალებებმა კიევის, ჩერნიგოვის, ჟიტომირის, სუმის, დნეპროპეტროვსკისა და პოლტავას ოლქებში 21 „შაჰედი“ ჩამოაგდეს“, - აცხადებენ საჰაერო ძალებში.
მათივე ინფორმაციით, ოკუპანტებმა უპილოტო საფრენი აპარატები რუსეთის ფედერაციის კურსკის ოლქიდან გაუშვეს.
დნეპრში დღეს გლოვის დღეა გამოცხადებული. შეგახსენებთ, ქალაქზე იერიშს გუშინ 5 ადამიანი შეეწირა, ათობით დაშავდა. აქედან რამდენიმე კრიტიკულ მდგომარეობაშია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა