14 წლის აითაჯ შახმაროვას მკვლელს, უვადო თავისუფლების აღკვეთა მიუსაჯეს
02 ივლისი 2024, 17:55 386 ნახვა14 წლის აითაჯ შახმაროვას მკვლელობაში ბრალდებულს თელავის რაიონული სასამართლომ უვადო თავისუფლების აღკვეთა მიუსაჯა. მკვლელობის საქმეზე ასიმ სადიკოვი 4 მუხლით გასამართლდა. მოსამართლემ სრულად გაიზიარა პროკურატურის მიერ წარმოდგენილი მტკიცებულებები და ყველა წარდგენილ ბრალში ცნო დამნაშავედ. ასიმ სადიკოვს გამოძიება ოჯახის წევრის მიმართ დამამძიმებელ გარემოებებში განზრახ მკვლელობას, თავისუფლების უკანონო აღკვეთას, სექსუალური ხასიათის შეღწევას თექვსმეტი წლის ასაკს მიუღწეველთან და ცეცხლსასროლი იარაღის და საბრძოლო მასალის მართლსაწინააღმდეგო ტარებას ედავებოდა.
გამოძიების ვერსიით, 14 წლის აითაჯ შახმაროვა საგარეჯოს მუნიციპალიტეტის სოფელ ლამბალოში გასული წლის 6 ოქტომბერს მოკლა ასიმ სადიკოვმა, რომელმაც მანამდე რამდენიმე თვით ადრე გოგო ცოლად მოყვანის მიზნით გაიტაცა. სასტიკი მკვლელობის საქმეზე კიდევ რამდენიმე პირია დაკავებული. მათ შორის აითაჯის დედა და ბიძა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა