ილია თოფურიას დაჯილდოების ცერემონია დღეს ორბელიანების სასახლეში ჩატარდება - პრეზიდენტის ადმინისტრაცია

21 მარტი 2024, 12:40 296 ნახვა

როგორც გუშინ იქნა შეთანხმებული ილია თოფურიასთან, მისი დაჯილდოების ცერემონია დღეს ორბელიანების სასახლეში 19:00 საათზე ჩატარდება, - ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

მათივე ინფორმაციით, საქართველოს პრეზიდენტი პრემიერ-მინისტრისა და პარლამენტის თავმჯდომარის წარდგინებას მიესალმება და ეთანხმება.

"პრეზიდენტი დაჯილდოების ცერემონიაზე პრემიერ-მინისტრს და პარლამენტის თავმჯდომარეს ეპატიჟება. სამივე შტოს მონაწილეობა ამ ცერემონიაში ასეთ საკითხებზე ეროვნული თანხმობის ნიშანია“, - აღნიშნულია ადმინისტრაციის განცხადებაში.

აჭარის მაუწყებელი

სოც. ადმინისტრატორი