ხე-ტყის უკანონო ჭრაზე კანონი მკაცრდება

11 მარტი 2024, 14:09 303 ნახვა

ხე-ტყის უკანონო ჭრაზე კონტროლი მკაცრდება - კანონმდებლობაში შესატან ცვლილებებზე ინიციატივა მთავრობის სხდომაზე გაჟღერდა. საქმე ეხება განსაკუთრებით დიდი ოდენობით ტყის გაჩეხვას. მკაცრდება კონტროლის მექნიზმებიც. ცნობისთვის ხე-ტყის უკანონო ჭრაზე ჯარიმა გასულ წელსაც გამკაცრდა და 1000 ლარის ნაცვლად 2 000 ლარი გახდა.

განმეორების შემთხვევაში 5 ათასი ლარი. საჯარიმო თანხას თან ემატება გარემოსთვის მიყენებული ზიანი სახელმწიფო ტყის ტერიტორიაზე.

რაც შეხება დაცულ ტერიტორიებს, ჯარიმა 1000 ლარით გაიზარდა.

ცვლილება შეეხო ასევე არა მხოლოდ ხე-ტყის უკანონო ჭრას, არამედ ტრანსპორტირების საკითხსაც. აქაც გაორმაგდა ჯარიმა და 2 ათასი ლარი შეადგინა.

ჯარიმები გამკაცრდა საქართველოს „წითელ ნუსხაში“ დაცული მცენარეების განადგურების შემთხვევაზეც.

აჭარის საზოგადოებრივი მაუწყებელი

ადმინისტრატორი