მაღალმთიან აჭარაში დამეწყრილი მონაკვეთების გაწმენდითი სამუშაოები საგანგებო რეჟიმში გრძელდება

09 თებერვალი 2024, 10:01 396 ნახვა

ხულოს, შუახევისა და ქედის მუნიციპალიტეტებში დამეწყრილი მონაკვეთების გაწმენდითი სამუშაოები საგანგებო რეჟიმში გრძელდება.

ხულოს მუნიციპალიტეტის სოფელ ყინჩაურში განვითარებულმა მეწყრულმა პროცესმა დააზიანა სხალთა-ხიხაძირის საავტომობილო გზა და ხიდი. ხულოს მუნიციპალიტეტში 43 ოჯახი გაყვანილია უსაფრთხო ადგილას. ასევე, უსაფრთხო ადგილზეა გაყვანილი 130-მდე ოჯახი ქედასა და შუახევში.

სტიქიის ადგილზე იმყოფებიან აჭარის მთავრობის წევრები, მუნიციპალიტეტის ხელმძღვანელი პირები, გზების დეპარტამენტის, გეოლოგიური სამსახურის წარმომადგენლები, რომლებიც დაზარალებული ოჯახების მდგომარეობას სწავლობენ.

აჭარის მაუწყებელი

სოც. ადმინისტრატორი