საახალწლო ღონისძიებები ბათუმში

30 დეკემბერი 2023, 12:36 552 ნახვა

ხვალ, 31 დეკემბრის ღამეს ბათუმში, ევროპის მოედანზე სხვადასხვა გასართობი ღონისძიება გაიმართება, დღესასწაული გალაკონცერტით დასრულდება. მოეწყობა ჯამბაზების წარმოდგენა, საზოგადოების წინაშე წარსდგებიან ცნობილი მუსიკოს შემსრულებლები. „ახალი წელი შენს ეზოში“ - პროექტის ფარგლებში, 17:30 წუთიდან საახალწლოდ მორთული ავტომობილი, ანიმატორებსა და სანტა კლაუსთან ერთად, შაფათავასა და სულაბერიძის ქუჩების კვეთიდან იმოძრავებს ცენტრალური ქუჩებისკენ. ახალი წლის ღამეს მუნიციპალური ტრანსპორტი ღამის 02:00 საათამდე იმოძრავებს და 18:00 საათიდან მგზავრებს უფასოდ მოემსახურება. საახალწლო ღონისძიებები ყოველდღე, 19:00-დან 00:00 საათამდე გაიმართება და 7 იანვარს, საშობაო კონცერტით დასრულდება.

ნონა დიასამიძე

ჟურნალისტი