უკრაინის თავდაცვის ძალებსა და მოწინააღმდეგეს შორის 39 საბრძოლო შეტაკება მოხდა - უკრაინის გენშტაბი
08 სექტემბერი 2023, 10:15 368 ნახვა
გასული დღის განმავლობაში, უკრაინის თავდაცვის ძალებსა და მოწინააღმდეგეს შორის 39 საბრძოლო შეტაკება მოხდა. მტერმა განახორციელა 7 სარაკეტო დარტყმა, 74 საჰაერო დარტყმა, ასევე 46 შეტევა მრავალჯერადი სარაკეტო სისტემებიდან. ინფორმაციას უკრაინის შეიარაღებული ძალების გენერალური შტაბი ავრცელებს.
"სევერსკის და სლობოჟანსკის მიმართულებით მტერმა საჰაერო დარტყმები განახორციელა სუმისა და ხარკოვის რაიონებში. ჩერნიგოვის, სუმისა და ხარკოვის რაიონებში 25-ზე მეტი დასახლება დაიბომბა"- აცხადებენ გენშტაბში.
მძიმე ბრძოლები გრძელდება კუპიანსკის, ლიმანის, ავდეევკის, მარინკისა და შახტერსკის მიმართულებით, თუმცა როგორც უკრაინული მხარე აცხადებს, საოკუპაციო ძალები წინსვლას ვერ ახერხებენ. უკრაინელები კონტრშეტევას განაგრძობენ მელიტოპოლის მიმართულებით.
მათივე ცნობით, უკრაინელი დამცველები წარმატებულები არიან ბახმუტის სამხრეთით და რობოტინოს სამხრეთით, ანაცვლებენ მტერს თავიანთი პოზიციებიდან.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა