ვითარება სტიქიის ზონაში
24 აგვისტო 2023, 15:04 459 ნახვასტიქიის ზონაში დაღუპული კიდევ ერთი ბავშვის ცხედარი აღმოაჩინეს.ონის მერის, სერგო ხიდეშელის განცხადებით, სტიქიის ზონაში სამძებრო სამუშაოები აქტიურ რეჟიმში გრძელდება. მისივე თქმით, ამ ეტაპზე ოთხი ადამიანის სამძებრო სამუშაოები მიმდინარეობს.
„ამ დროისთვის არსებული ინფორმაციით, 29 მოქალაქე არის ნაპოვნი, აქედან 28 იდენტიფიცირებულია. მიმდინარეობს ოთხი ადამიანის საძიებო სამუშაოები. აქტიურ რეჟიმში გრძელდება საძიებო სამუშაოები როგორც სტიქიის ლოკაციაზე, ასევე მდინარე ჭანჭახისა და მდინარე რიონის კალაპოტებში, როგორც ონის მუნიციპალიტეტის, ისე ამბროლაურის მუნიციპალიტეტის ტერიტორიებზე. ვიდრე მცირედი შანსი იქნება, საძიებო სამიშაოები გაგრძელდება. სამუშაოების შეწყვეტასა და გაფართოებაზე შესაბამისი სამსახური მიიღებს გადაწყვეტილებას“, – განაცხადა სერგო ხიდეშელმა.
ამასთან, როგორც ონის მერმა აღნიშნა, სტიქიის ზონაში ნაპირგამაგრებითი და სხვა სახის სამუშაოები მიმდინარეობს.
ამავე კატეგორიაში
#უსმინეთ!
#უყურეთ!
პოპულარული
ამინდი
ფოტო
19 ივლისამდე საქართველოს ცალკეულ რაიონში მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება - გარემო
გადასვლა პოსტზე 
მაუწყებლობა