თბილისში ქვათაცვენამ სარკინიგზო ლიანდაგი ჩაკეტა

17 აგვისტო 2023, 18:07 646 ნახვა

საქართველოს რკინიგზის ინფორმაციით, დიდუბე-ავჭალის გადასარბენზე, ქსნის ქუჩის მიმდებარედ, ლიანდაგზე დღეს გამთენიისას ფერდობიდან ქვის მასა ჩამოიშალა. მომხდარი ფაქტის შედეგად, დროებით შეფერხდა ბათუმი-თბილისის, თბილისი-ბორჯომის და თბილისი-ბათუმის მატარებლების მოძრაობა.მათვე ცნობით, საქართველოს რკინიგზის შესაბამისი სამსახურების მიერ ერთი ლიანდაგი ოპერატიულად გაიწმინდა და დროულად მოხერხდა მატარებლების მოძრაობის განახლება. განცხადებას ავრცელებს თბილისის მერიაც, როგორც თბილისის მერიაში აცხადებენ, აღნიშნულ ტერიტორიაზე ქვათაცვენის პრობლემის შესახებ, თბილისის მუნიციპალიტეტში არცერთი განაცხადი არ ფიქსირდება. გარდა ამისა, თბილისის მერიაში განმარტავენ, რომ სიცრუეა მედიით გავრცელებული ინფორმაცია, თითქოს ქვათაცვენა გამოწვეულია მიმდინარე მშენებლობებით.

აჭარის მაუწყებელი

სოც. ადმინისტრატორი