გარემოს ეროვნული სააგენტო თბილისში, ქსნის ქუჩის მიმდებარედ კლდეზვავის ჩამოშლის ფაქტს ეხმიანება

17 აგვისტო 2023, 16:13 579 ნახვა

გარემოს ეროვნული სააგენტო თბილისში, ქსნის ქუჩის მიმდებარედ კლდეზვავის ჩამოშლის ფაქტს ეხმიანება.

უწყების ცნობით, მიმდინარე წლის 17 აგვისტოს, თბილისი-სენაკი-ლესელიძის სარკინიგზო მაგისტრალის დერეფანში, ქ. თბილისში, დიდუბე-ავჭალის გადასარბენზე, ქსნის ქუჩის მიმდებარედ ადგილი ჰქონდა კლდეზვავის ჩამოშლას, რომელმაც დაფარა რკინიგზის ლიანდაგი და დროებით შეაფერხა სარკინიგზო მოძრაობა.

"გარემოს ეროვნული სააგენტოს გეოლოგების ჯგუფმა ადგილზე შეაფასა არსებული სიტუაცია. სააგენტოს სპეციალისტების მიერ გაცემული რეკომენდაციების საფუძველზე, გატარდა გაწმენდითი ღონისძიებები.

გარემოს ეროვნული სააგენტოს გეოლოგების მიერ ოპერატიულად მოხდება კლდეზვავის ჩამოშლის შეფასება და მომზადდება დასკვნა. შესაბამისი სამსახურების მიერ გადაუდებელი და პრევენციული ღონისძიებები აღნიშნული დასკვნის საფუძველზე გატარდება“, - აღნიშნულია ინფორმაციაში.

აჭარის მაუწყებელი

სოც. ადმინისტრატორი