“მაუწყებლობის შესახებ” კანონში საზოგადოებრივი მაუწყებლის აჭარის ტელევიზიასა და რადიოსთან დაკავშირებული ცვლილებები გათვლილია ვიწრო პარტიულ ინტერესებზე. მისი მიზანია, საზოგადოებრივ მაუწყებელზე კონტროლის შენარჩუნება, რასაც აჭარის ავტონომიური რესპუბლიკის მოსახლეობის ინტერესები ეწირება„ - ამ შინაარსის ღია წერილს სამოქალაქო საზოგადოება ავრცელებს, რომლითაც  და  პრეზიდენტს,  აკრედიტებულ დიპლომატიურ კორპუსს, საელჩოებს, სახალხო დამცველს, პარლამენტს,  აჭარის უმაღლესი საბჭოს მიმართავენ.   

მიაჩნიათ, რომ  ცვლილებებს ექნება გამოუსწორებელი შედეგები, მათ შორის: აჭარის საზოგადოებრივი მაუწყებელი გაუქმდება როგორც ინსტიტუცია; რეგიონის  მოსახლეობის ინტერესები, თავისი მრავალფეროვნებითა და სპეციფიკით, როგორც ამას აქამდე ითვალისწინებდა კანონი , აღარ იქნება წარმოჩენილი საზოგადოებრივი მაუწყებლის ეთერში; აჭარის საზოგადოებრივი მაუწყებლის ცენტრალური საზოგადოებრივი მაუწყებლის ერთ-ერთ არხად გადაქცევა პროცესის დასაწყისია მის სრულ გაუქმებამდე, რაც დროის საკითხია; მრჩეველთა  საბჭოს გაუქმების შემდეგ აღარ რჩება ინსტიტუცია, რომელიც რეგიონის საზოგადოების ინტერესების გათვალისწინებას მოითხოვს მაუწყებლის მენეჯმენტისგან და მას დაავალდებულებს ამ ინტერესებზე მორგებული მაუწყებლობის ორგანიზებას; აღარ იარსებებს სივრცე მენეჯმენტის გამჭვირვალობისა და ანგარიშვალდებულების მოსათხოვად, რაც დააზიანებს საზოგადოების ინტერესებს - აღნიშნულია მიმართვაში.

სამოქალაქო საზოგადოების წევრების განცხადებით,  სინამდვილეში საკანონმდებლო ცვლილების ერთ-ერთი მთავარი მოტივი საზოგადოებრივი მაუწყებლის სამეურვეო საბჭოზე მმართველი პარტიის კონტროლის შენარჩუნებაა, რასაც ავტონომიური რესპუბლიკის მოსახლეობის ინტერესებიც ეწირება და ეს ყველაფერი ხდება ვიწროპარტიული მიზნების მისაღწევად  2024 წლის არჩევნების წინ.