საბერძნეთის საპარალამენტო არჩევნებში მმართველი პარტია ლიდერობს

22 მაისი 2023, 10:08 665 ნახვა

საბერძნეთში ჩატარებული საპარლამენტო არჩევნების წინასწარი შედეგების თანახმად ლიდერობს კონსერვატორი პრემიერ-მინისტრის კირიაკოს მიცოტაკისის პარტია „ახალი დემოკრატია“.

კერძოდ, როიტერის ინფორმაციით, დათვლილია თითქმის ყველა ბიულეტენი და წინასწარი შედეგების თანახმად, პარტიამ, „ახალი დემოკრატია“, ხმების 40.8% მოიპოვა, მისმა მთავარმა კონკურენტმა - მემარცხენე პარტია „სირიზამ“ კი - 20.1%.

ორშაბათიდან, საბერძნეთის პრეზიდენტი კატერინა საკელაროპულუ, არჩევნების შედეგების მიხედვით პირველ სამ ადგილზე გასულ პარტიებს - „ახალ დემოკრატიას“, „სირიზასა“ და სოციალისტურ „პასოკს“ - სამ დღეს მისცემს კოალიციური მთავრობის შესაქმნელად.

თუ კოალიციის შექმნას ვერცერთი მათგანი ვერ მოახერხებს, პრეზიდენტი დანიშნავს დროებით მთავრობას, რომელიც, დაახლოებით ერთი თვის შემდეგ, ახალ არჩევნებს მოამზადებს.

ნატალია კიკვაძე

ტექნიკური პროდიუსერი