საქართველოს მორაგბეთა ეროვნულმა ნაკრებმა რაგბი ევროპის ჩემპიონატის მოგება მეთხუთმეტედ მოახერხა. მიუხედავად იმისა ,რომ შეხვედრაში ანგარიში პორტუგალიამ გახსნა, მატჩი "ბორჯღალოსნების" გამარჯვებით 38:11 დასრულდა.

საქართველოს ნაკრებმა საერთო ჯამში 6 ლელო დადო. აქედან ორი ტაბიცაძის ანგარიშზეა , ხოლო თითოჯერ მამუკაშვილმა, პაპიძემ, თაფლაძემ, და ჭყოიძემ დაამიწეს. ორ-ორი გარდასახვა კი ზუსტად აბჟანდაძემ და მანტკავამ შეასრულეს. ტურნირის ისტორიაში "ბორჯღალოსნებმა" საიუბილეო მე-100 გამარჯვებაც იზეიმეს. ასევე საქართველო 2018 წლიდან დაუმარცხებელია და ამ სტატუსს ზედიზედ 29 შეხვედრაა ინარჩუნებს, რაც ნაკრების ისტორიაში საუკეთესო შედეგია.

ამ გამარჯვებით საქართველოს მორაგბეთა ეროვნულმა ნაკრებმა მსოფლიო რაგბის რეიტინგში მე-11 ადგილზე გადაინაცვლა და ისტორიული შედეგი გაიმეორა. ქართველ მორაგბეებს მომდევნო მატჩები ზაფხულში ელით, როდესაც სამ ტესტს ჩაატარებენ: 12 და 19 აგვისტოს, შესაბამისად, რუმინეთსა და აშშ-ს უმასპინძლებენ, 26 აგვისტოს კი შოტლანდიას ესტუმრებიან. ამის შემდეგ კი საფრანგეთში მსოფლიოს თასსზე იასპარეზებენ.