ლაშა გობაძე საერთაშორისო ტურნირის გამარჯვებულია
24 თებერვალი 2023, 10:34 795 ნახვა
ალექსანდრიაში მიმდინარე ბერძნულ-რომაული სტილით მოჭიდავეთა საერთაშორისო სარეიტინგო ტურნირის პირველ დღეს საქართველოს ნაკრების წევრებმა 6 მედალი მოიპოვა, აქედან 1 ოქროს, 3 ვერცხლისა და 2 ბრინჯაოს მედალი იყო.
87 კგ წონით კატეგორიაში მოჭიდავე ლაშა გობაძე ჩემპიონი გახდა. ლერი აბულაძე (63 კგ), ჯონი ხეცურიანი (67 კგ) და რობერტ კობლიაშვილი (97 კგ) ვერცხლის მედლებს დასჯერდნენ.
გურამ ხეცურიანი (87 კგ) და ზვიად პატარიძე (130 კგ) მესამე საპრიზო ადგილებზე გავიდნენ.
დღეს 24 თებერვალს მედლები დარჩენილ 3 წონაში – 72, 77 და 82 კგ-ში გათამაშდება. საქართველოს ნაკრების ღირსებას რამაზ ზოიძე, ოთარ აბულაძე (ორივე 72 კგ), იური ლომაძე, საჩინო დავითაია, შმაგი ბოლქვაძე (სამივე 77 კგ) და გელა ბოლქვაძე (82 კგ) დაიცავენ.
წინასწარი ეტაპის შეხვედრები თბილისის დროით 12:00-ზე დაიწყება. ფინალური ბლოკი კი 20:00 საათიდან.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა