ლუკა ლოჩოშვილის „კრემონეზემ“ სერია A-ში ისევ ვერ მოიგო
21 თებერვალი 2023, 13:28 492 ნახვალუკა ლოჩოშვილი თვენახევრიანი პაუზის შემდეგ კრემონეზეს რიგებში დაბრუნდა. ქართველი მცველის გუნდი სერია ა-ს 23-ე ტურის დასკვნით შეხვედრაში ტორინოს ესტუმრა და ფრე 2:2 დაფიქსირდა.
დავიდე ბალარდინის გუნდი შეხვედრის დასრულებამდე 15 წუთით ადრე 2:1-ს იგებდა და შეეძლო პირველი გამარჯვებაც მიეთვალა, მაგრამ ტორინომ მალევე მოახერხა ანგარიშის გათანაბრება და საბოლოოდ შეხვედრაც ფრედ დასრულდა. ლოჩოშვილი თამაშში 86-ე წუთზე ალექს ფერარის ნაცვლად ჩაერთო.
ლუკამ პირველად ითამაშა დავიდე ბალარდინის ხელმძღვანელობით. ის ამ მატჩამდე ბოლოს მოედანზე 9 იანვარს ვერონასთან იყო, მას შემდეგ 1 მატჩი თადარიგში დარჩა, ხოლო 6 შეხვედრა საზარდულის ტრავმის გამო გაუცდა.
კრემონეზე 23 ტურის შემდეგ 9 ქულით სატურნირო ცხრილში ბოლო ადგილზეა, მომდევნო ტურში კი 28 თებერვალს, რომას უმასპინძლებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა