ბიძინა ივანიშვილი ჩემთვის არის ქველმოქმედი, ადამიანი, რომელმაც 2012 წელს დაამარცხა რეჟიმი, რომელიც ცალსახად ავტორიტარიზმისკენ მიდიოდა - იუსტიციის მინისტრი

08 ნოემბერი 2022, 16:50 452 ნახვა

ბიძინა ივანიშვილი ჩემთვის არის ქველმოქმედი და ასევე, ის ადამიანი, რომელმაც 2012 წელს შეძლო და დაამარცხა რეჟიმი, რომელიც ცალსახად მიდიოდა ავტორიტარიზმისკენ, - ამის შესახებ იუსტიციის მინისტრმა რატი ბრეგაძემ განაცხადა.

მისი თქმით, თუ ვინმე საქართველოს ნებისმიერ მოქალაქეზე ცდილობს ევროპარლამენტს თუ ნებისმიერ სხვა ინსტიტუციას მოსთხოვოს სანქციების დაწესება, ამისთვის კონკრეტული ფაქტები უნდა ჰქონდეს.

"პოლიტიკოსი იმიტომ არის პოლიტიკოსი, რომ შეუძლია გააკეთოს ნებისმიერი სახის განცხადება, თუმცა ამ ყველაფერს სჭირდება დასაბუთება, არგუმენტაციის და ფაქტების მოყვანა.

ნებისმიერ ადამიანს გამოხატვის თავისუფლება აქვს. ბევრი რაიმე შეიძლება თქვას, როგორც ევროპაში ასევე, საქართველოში, მაგრამ ნებისმიერ გადაწყვეტილებას შესაბამისი მტკიცებულებები ესაჭიროება, უნდა ეფუძნებოდეს უტყუარ ინფორმაციას და მხოლოდ ამის შემდეგ იქნება საუბარი შესაძლებლობაზე“,-განაცხადა ბრეგაძემ.

აჭარის მაუწყებელი

სოც. ადმინისტრატორი