ხვიჩა კვარაცხელიას იტალიის''სერია ა'' შესანიშნავი დებიუტი გამოუვიდა. ქართველმა ფეხბურთელმა ''ნაპოლის'' მაისურით ''ვერონასთან'' შეხვედრაში ერთი გოლი გაიტანა და ერთი საგოლე გადაცემა მიითვალა.

ნეაპოლელებმა პირველ ტურში გასვლაზე ''ვერონა'' 2:5 დაამარცხეს და პირველი სამი ქულა მოიპოვეს.
29-ე წუთზე ლაზანიამ გაიტანა და ''ვერონა" წინ გავიდა. 37-ე წუთზე ლოზანოს ჩაწოდების შემდეგ ხვიჩა კვარაცხელიამ თავური დარტყმით წონასწორობა აღადგინა.

პირველი ტაიმის კომპენსირებულ დროში კი დი ლორენცოს გადაცემის შემდეგ ოსიმენმა გაიტანა და ნეაპოლელებმა ტაიმი 1-2 მოიგეს. 48-ე წუთზე ანრიმ ანგარიში გაათანაბრა.

ხვიჩას აქტიურობა მეორე ტაიმშიც გაგრძელდა. ქარველმა შემტევმა 55-ე წუთზე გამოზომილი გადაცემა, ზლინსკის გაუკეთა, ამ უკანასკნელმა კი ერთი შეხებით გოლის გატანა მოახერხა. 

10 წუთში ლობოტკამ ''ნაპოლის'' უპირატესობა უფრო სოლიდური გახადა და ნეაპოლელებმა მეოთხე გოლი გაიტანეს.

68-ე წუთზე ლუჩანო სპალეტინ ხვიჩა კვარაცხელია დაასვენა და მის ნაცვლად მოედანზე ელიფ ელმასი გამოვიდა.

79-ე წუთზე ოსიმენმა ცვლილებაზე გამოსულ პოლიტანოს გაატანინა და ანგარიში 2-5 გახდა.

''სერია ა''ს მეორე ტურში კვარაცხელიას ''ნაპოლი'' სტადიო დიეგო არმანდო მარადონაზე ელიტაში აღზევებულ ''მონცას'' უმასპინძლებს.

მატჩი 21 აგვისტოს თბილისის დროით 20:30 საათზე დაიწყება.