13 ივნისის ტრაგედიიდან შვიდი წელი გავიდა

13 ივნისი 2022, 10:31 652 ნახვა

შვიდი წელი 13 ივნისის ტრაგედიიდან. 2015 წელს სტიქიამ დედაქალაქსა და მის შემოგარენში საცხოვრებელი სახლები და ინფრასტრუქტურა დააზიანა. მთლიანად დაიტბორა "მზიური" და ზოოპარკი, სადაც დაიღუპა სამი თანამშრომელი და დაიხოცა ბინადართა დიდი ნაწილი.

სვანიძის ქუჩაზე კი წყალმოვარდნის შედეგად უსახლკაროდ დარჩა 24 ოჯახი. მხოლოდ ამ პატარა ქუჩაზე სტიქიამ 6 ადამიანის სიცოცხლე იმსხვერპლა. ჯამში 21 ადამიანი გარდაიცვალა, ორი ამ დრომდე დაკარგულად ითვლება, 200-ზე მეტი ოჯახი და 1000-ზე მეტი ადამიანი დააზარალა.

საბოლოოდ, სტიქიის შედეგად მიყენებულმა ზარალმა 100 მილიონი ლარი შეადგინა. მდინარე ვერე, ბეთანიის გზაზე წარმოქმნილი მეწყრის გამო ადიდდა, რამაც ამ მასშტაბის სტიქია გამოიწვია.

აჭარის მაუწყებელი

სოც. ადმინისტრატორი