ევროკავშირმა რუსული გაზის ჩანაცვლების გეგმა შეიმუშავა

06 ივნისი 2022, 14:34 638 ნახვა

ევროკავშირმა რუსული გაზის ჩანაცვლების გეგმა შეიმუშავა - აცხადებს ევროკავშირის შიდა ვაჭრობის კომისარი. ტიერი ბრეტონის თქმით, ყოველწლიურად ევროკავშირი რუსეთიდან 155 მილიარდი კუბური მეტრი ბუნებრივი აირის იმპორტს ახორციელებს.

მისი განმარტებით, ახალი სტრატეგიის ფარგლებში, ბრიუსელი 50 მილიარდი კუბური მეტრი თხევადი ბუნებრივი აირის იმპორტს შეერთებული შტატებიდან ან ყატარიდან გეგმავს, 10 მილიარდი კუბური მეტრის იმპორტს არსებული მილსადენებიდან, ხოლო 25 მილიარდი კუბური მეტრი ბუნებრივი აირი ქარის ტურბინების და მზის პანელების მიერ გამომუშავებული ენერგიით ჩანაცვლდება.

ბრეტონის განცხადებით, ქვანახშირზე მომუშავე ელექტროსადგურების მუშაობის განახლებაც ერთ-ერთ ვარიანტად განიხილება.

ევროკომისრის თქმით, რუსეთის პრეზიდენტი მრავალი წლის განმავლობაში აკეთებდა ყველაფერს ევროპის დასაყოფად და ახლა იგივეს გაზის გამოყენებით ცდილობს.

აჭარის საზოგადოებრივი მაუწყებელი

ადმინისტრატორი