„დახურეთ უკარინის ცა!“ - უკრაინელების და ბელარუსების აქცია ბათუმში

26 მარტი 2022, 20:14 953 ნახვა

„დახურეთ უკარინის ცა!“, „აქ ბავშვებია!“ - წარწერა ქვაფენილზე და სანთლები. უკრაინელი და ბელარუსი მოქალაქეები ბათუმში სხვადასხვა პოლიტიკური და სამოქალაქო ორგანიზაციის წევრებთან ერთად შეიკრიბნენ. მათი მთავარი მოთხოვნაა შეწყვიტოს რუსეთმა ომი, ნატომ კი უკრაინის ცა დახუროს.

ომიდან 1 თვეზე მეტი გავიდა, ასობით ბავშვი და მშვიდობიანი მოქალაქე უკრაინაში უკვე დაიღუპა. რუსი ჯარისკები ესვრიან საცხოვრებელ სახლებს და შენობებს, სადაც ბავშვები არიან.

ასფალტზე ბანერი წარწერით - „ბავშვები“ - სწორედ ამ სიმბოლური დატვირთვით გამოფინეს აქციის მონაწილეებმა. ამბობენ, რომ ბევრმა მოახერხა და თავი სხვა ქვეყანას შეაფარა, თუმცა იქიდან იბრძვიან მშვიდობისთვის.

უკრაინის მოქალაქეებმა ადგილობრივებთან ერთად აქამდეც არაერთი საპროტესტო აქცია გამართეს.

აჭარის საზოგადოებრივი მაუწყებელი

ადმინისტრატორი