მოსწავლეებს შეუძლიათ სკოლებში დისტანციური სწავლების ფორმა აირჩიონ - სამინისტრო 

13 იანვარი 2022, 10:41 1685 ნახვა

საქართველოს განათლების სამინისტროს ინფორმაციით, მოსწავლეთა მშობლებს 2021-2022 სასწავლო წლის გაზაფხულის სემესტრშიც შეუძლიათ გააკეთონ არჩევანი დასწრებით და დისტანციური სწავლებას  შორის.

დისტანციური სწავლების მსურველებმა რეგისტრაცია უნდა გაიარონ განათლების მართვის საინფორმაციო სისტემის მიერ შექმნილ ვებგვერდზე - https://online.emis.ge.

ონლაინ სწავლებაზე განაცხადის შევსება/რეგისტრაციის გაუქმება შესაძლებელი იქნება ყოველ ხუთშაბათს 00:00 – 18:00 საათის შუალედში.

სარეგისტრაციო ველი 13 იანვარს 00:00 საათზე გაიხსნა.

სამინისტროს ინფორმაციით, ვინც შემოდგომის სემესტრში აირჩია დისტანციური სწავლების ფორმატი და არ გაუუქმებია, ხელახალი რეგისტრაცია საჭირო არ არის.

სკოლებში და საბავშვო ბაღებში სწავლა შემდეგი ორშაბათიდან, 17 იანვრიდან განახლდება.

აჭარის მაუწყებელი
სოც. ადმინისტრატორი

ამავე კატეგორიაში