პოლიციის თანამშრომლებმა ”საქართველოს ბანკის” დაყაჩაღების ფაქტი აღკვეთეს - შსს

23 ნოემბერი 2021, 17:08 705 ნახვა

საპატრულო პოლიციის თანამშრომლებმა ”საქართველოს ბანკის” დაყაჩაღების ფაქტი აღკვეთეს.

შინაგან საქმეთა სამინისტროს განცხადებით, საპატრულო პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო და სამძებრო მოქმედებების შედეგად, 1999 წელს დაბადებული გ.ტ. დააკავეს.

მათივე განმარტებით, გამოძიებით დადგინდა, რომ გ.ტ. მიმდინარე წლის 23 ნოემბერს, ქეთევან წამებულის გამზირზე მდებარე "საქართველოს ბანკის" ერთ-ერთ ფილიალში, დაყაჩაღების მიზნით შეიჭრა, თუმცა განზრახვა სისრულეში ვერ მოიყვანა და მიმალვა სცადა.

"საპატრულო პოლიციის თანამშრომლებმა, ჩატარებული სამძებრო მოქმედებების შედეგად, იგი შემთხვევის ადგილის მიმდებარე ტერიტორიაზე, რამდენიმე წუთში დააკავეს.

გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს"- აცხადებენ შსს-ში.

აჭარის მაუწყებელი

სოც. ადმინისტრატორი