ზუგდიდის N10 უბანთან ხმაური და სიტყვიერი დაპირისპირება იყო
30 ოქტომბერი 2021, 17:08 1004 ნახვა
ზუგდიდის მე-10 უბანთან ხმაური იყო. ადგილზე მობილიზებულია პოლიცია. დამკვირვებელი მედეა ჯალაღონია ამბობს, რომ მას სიტყვიერი შეურაცხყოფა მიაყენეს და უბნიდან გამოაძევეს.
"პოლიციის უფროსის მოადგილემ ძალის გამოყენებით გამომიყვანა შენობიდან. დამკვირვებელი ვარ, დავდივარ და ვაკვირდები სიტუაციას ეს არის ჩემი მოვალეობა, დარღვევებია უბანზე და ეს რომ დავაფიქსირე, უბნიდან გამომაგდეს"-აცხადებს მედეა ჯალაღონია.
ჯალაღონია ამბობს, რომ იგი კლინიკა „გულის“ ზუგდიდის ფილიალის ხელმძღვანელია და იცავს „ერთიანი ნაციონალური მოძრაობის“ ზუგდიდის მერობის კანდიდატის ხმებს.
მოგვიანებით აღნიშნულ უბანზე, სიტყვიერი დაპირისპირება მოხდა.
ენმ-ს პრესსამსახურის წარმომადგენლის, ნენე დალაქიშვილის ინფორმაციით, უბნის სიახლოვეს კანონის დარღვევით მობილიზებული არიან ე.წ ძველი ბიჭები, ისინი ზეწოლას ახდენენ ამომრჩეველზე, რაზეც პოლიციას რეაგირება არა აქვს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა