საქართველოში 11 ოქტომბერი გლოვის დღედ გამოცხადდა

09 ოქტომბერი 2021, 11:46 1156 ნახვა

11 ოქტომბერი გლოვის დღედ გამოცხადდება - ამის შესახებ გადაწყვეტილება საქართველოს პრემიერ-მინისტრმა მიიღო.

ირაკლი ღარიბაშვილის თქმით, კანონის სრული სიმკაცრით დაისჯება ყველა პირი, ვისი ბრალეულობაც გამოიკვეთება.

''ღრმა მწუხარებას გამოვთქვამ ბათუმში მომხდარი ტრაგედიის გამო და ვუსამძიმრებ დაღუპულთა ოჯახის წევრებსა და ახლობლებს. მათთან ერთად, ამ საზარელ ტრაგედიას სრულიად საქართველო გლოვობს. ჩემი გადაწყვეტილებით, დაღუპულთა ხსოვნის პატივსაცემად, ორშაბათი, 11 ოქტომბერი გლოვის დღედ გამოცხადდება.

სახელმწიფო მომხდარის შედეგად დაზარალებულებს ყველა შესაბამის დახმარებას გაუწევს. კანონის სრული სიმკაცრით დაისჯება ყველა პირი, ვისი ბრალეულობაც გამოიკვეთება. შინაგან საქმეთა სამინისტრომ უკვე დააკავა სამი პირი და გამოძიება გრძელდება'' - აცხადებს პრემიერი.

აჭარის საზოგადოებრივი მაუწყებელი

ადმინისტრატორი