საქართველოს პრეზიდენტმა დემნა გვასალია ღირსების მედლით დააჯილდოვა
27 სექტემბერი 2021, 22:20 3217 ნახვა
საქართველოს პრეზიდენტმა სალომე ზურაბიშვილმა, პარიზში სამუშაო ვიზიტის ფარგლებში, საზღვარგარეთ ქართული დიასპორის წარმომადგენელი, მოდის დიზაინერი, მოდის სახლის Balenciaga-ს კრეატიული დირექტორი დემნა გვასალია ღირსების მედლით დააჯილდოვა.
"დემნა, ჩემთვის დიდი პატივია თქვენთვის ღირსების მედლის გამოცემა. დღეს ჩვენ ვიხსენებთ სოხუმის დაცემის დღეს, რომელიც გლოვის დღეა საქართველოსთვის, თუმცა თქვენთვის ამ ჯილდოს გადმოცემა ნიშნავს, რომ სადღაც ჩვენ უკვე გავიმარჯვეთ. დემნა გვასალია არის მაგალითი შემოქმედი ქართველების მომავალი თაობისთვის“, - წერს სალომე ზურაბიშვილი სოციალურ ქსელში.
პრეზიდენტმა დემნა გვასალიას საქართველოს სახელმწიფო ჯილდო მოდის სფეროში წარმატებული მოღვაწეობისა და საზღვარგარეთ საქართველოს პოპულარიზაციაში შეტანილი პირადი წვლილისათვის გადასცა. დაჯილდოების ცერემონია კი მოდის სახლ "'Balenciaga"-ში გაიმართა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა