აშშ-ის გამოხმაურება
02 აპრილი 2021, 13:10 774 ნახვააშშ შეშფოთებულია აღმოსავლეთ უკრაინაში რუსეთის აგრესიული და პროვოკაციული ქმედებების ესკალაციის გამო. ამის შესახებ აშშ-ის სახელმწიფო დეპარტამენტის პრესსპიკერმა ნედ პრაისმა განაცხადა. „რა თქმა უნდა, როდესაც საუბარია აშშ-სა და რუსეთის ურთიერთობების მდგომარეობაზე, ჩვენ ვერ დავივიწყებთ რუსეთის მიმდინარე აგრესიას უკრაინაში. შეშფოთებული ვართ აღმოსავლეთ უკრაინაში რუსეთის აგრესიული და პროვოკაციული ქმედებების ბოლოდროინდელი ესკალაციის გამო, მათ შორის 2020 წლის ივლისის ცეცხლის შეწყვეტის შეთანხმების დარღვევის გამო, რის შედეგადაც, 26 მარტს ოთხი უკრაინელი სამხედრო გარდაიცვალა და რამდენიმე დაშავდა. რუსეთის დესტაბილიზაციური ქმედებები ძირს უთხრის ეუთო-ს შუამავლობით მიღწეული, გასული წლის ივლისის შეთანხმების ფარგლებში დეესკალაციის ზრახვებს“, – განაცხადა ნედ პრაისმა და აღნიშნა, რომ აშშ ცეცხლის შეწყვეტის დარღვევებისა და რეგიონული დაძაბულობის ზრდის საკითხს ნატო-ს მოკავშირეებთან განიხილავს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა