დიეგო მარადონას გარდაცვალების გამო არგენტინაში სამდღიანი გლოვა გამოცხადდა

26 ნოემბერი 2020, 10:02 1027 ნახვა

არგენტინის მთავრობამ ლეგენდარული ფეხბურთელის, დიეგო მარადონას გარდაცვალების გამო ქვეყანაში სამდღიანი გლოვა გამოაცხადა. “თქვენ მსოფლიოს უმაღლეს მწვერვალამდე აგვიყვანეთ და უზომოდ გაგვახარეთ. გმადლობთ ჩვენთან ყოფნისთვის, დიეგო. მთელი ცხოვრების მანძილზე მოგვენატრები,“ - წერს არგენტინის პრეზიდენტი ალბერტო ფერნანდესი „ტვიტერში“.

გავრცელებული ინფორმაციით, მარადონას ცხედარი ხუთშაბათიდან შაბათამდე კასა-როსადას საპრეზიდენტო რეზიდენციაში იქნება დასვენებული, სადაც სამოქალაქო პანაშვიდი გაიმართება.

შეგახსენებთ, დიეგო მარადონა გუშინ არგენტინაში, საკუთარ სახლში გულის შეტევით გარდაიცვალა.

აჭარის საზოგადოებრივი მაუწყებელი
ადმინისტრატორი

ამავე კატეგორიაში