საქართველოს კლინიკების ასოციაცია მთავრობას  მიმართავს  გაიხსნას  100, 300, 500 პაციენტზე გათვლილი საველე ჰოსპიტლები  შესაბამისი ინვენტარით.  ორგანიზაციის განცხადებას ბიზნეს პრესნიუსი ავრცელებს. რომლის მიხედვითაც, კლინიკების ასოციაციაში მიაჩნიათ, რომ  სასიცოცხლოდ აუცილებელია სისტემის დაკომპლექტება მხოლოდ პროფესიული ნიშნით შერჩეული მაღალ კვალიფიციური კადრებით, მათ შორის სამხედრო ექიმებით,  მედდებითა და სანიტრებით. ფიქრობენ, რომ კორონავირუსთან ბრძოლის გასაუმჯობესებლად  ასევე მნიშვნელოვანია   რეგულაციების გამკაცრება, მაგრამ არა „ლოკდაუნი“. რეკომენდაციებს შორისაა კვლავ ამოქმედდეს პრინციპი- „დარჩი სახლში“,   შეიზღუდოს საზოგადოების თავშეყრის ადგილებში საპენსიო ასაკის ადამიანების გადაადგილება და  საზოგადოებრივ ტრანსპორტში მგზავრთა რაოდენობაც. სავაჭრო ობიექტებმა კი მუშაობა გააგრძელონ ყველა წესის მკაცრი დაცვით.  სტომატოლოგიურ კლინიკებს კი ურჩევენ, რომ დახმარების გაწევამდე  პაციენტებს ადგილზე ჩაუტარდეს კორონავირუსის ანტიგენზე დამყარებული სწრაფი ტესტი.