კორონავირუსის გამო დავით ყიფიანის თასის ფინალი გადაიდო

22 ნოემბერი 2020, 20:38 977 ნახვა

დავით ყიფიანის სახელობის საქართველოს თასის 2020 წლის სეზონის ფინალური შეხვედრა გადაიდო. 

ფინალური მატჩი 25 ნოემბერს გორში უნდა გამართულიყო, ფინალის მონაწილე ერთ-ერთი გუნდის წევრთა უმრავლესობის კორონავირუსით ინფიცირების გამო, მატჩის განსაკუთრებული მნიშვნელობიდან გამომდინარე, გადაიდო.

ფინალი 4 დეკემბერს, 16:00 საათზე კვლავ გორის თენგიზ ბურჯანაძის სახელობის სტადიონზე გაიმართება. 2020 წლის საქართველოს თასის ფინალურ შეხვედრაში ერთმანეთს ეროვნული ლიგა 2-ის წარმომადგენლები - წყალტუბოს "სამგურალი" და ‘’გაგრა’’ დაუპირისპირდებიან.

ეს გუნდები ერთმანეთს 20 ნოემბერს ეროვნული ლიგის ეგიდით გამართულ შეხვედრაშიც შეხვდნენ. მატჩი ფრედ 0:0 დასრულდა.

სეო წილოსანი
სპორტული ჟურნალისტი

ამავე კატეგორიაში