ქალთა საფეხბურთო კლუბმა ''ლანჩხუთმა'' ისტორიული შედეგი დააფიქსირა

19 ნოემბერი 2020, 19:29 370 ნახვა

"ლანჩხუთი'' პირველი ქართული კლუბია, რომელიც ჩემპიონთა ლიგის ძირითად ბადეში ითამაშებს. ლანჩხუთელები ჩემპიონთა ლიგის მეორე საკვალიფიკაციო ეტაპზე რუმინეთში ადგილობრივ „ოლიმპია კლუჟს“ დაუპირისპირდა და 1-0 დაამარცხა.

გიორგი ჩხაიძის გაწვრთნილმა გუნდა ანგარიში მე-40 წუთზე გახსნა0, თუმცა შეხვედრის გვერდითა მსაჯმა თამაშგარე დააფიქსირა და გოლი საეჭვო ვითარებაში გააუქმეს.

2 წუთში კი რუმინელები უკვე ძელმა იხსნა და პირველი ნახევარი ფრედ 0-0 დასრულდა. მეორე ნახევრის 68-ე წუთზე ხაბურძანიას კარგი გადაცემის შემდეგ ხატია ჭყონიამ ეფექტურად გაიტანა და "ლანჩხუთს" ისტორიული გამარჯვება მოუტანა.

გურულებმა ჩემპიონთა ლიგის 1/16 ფინალში ასპარეზობა მოიპოვეს, რაც არცერთ ქართულ კლუბს არ გაუკეთებია.

პირველ საკვალიფიკაციო ეტაპზე "ლანჩხუთმა" გასვლაზე ყაზახეთში ‘ოკჟეტპესი“ 2:1 დაამარცხა. ჩემპიონთა ლიგის 1/16 ფინალში „ლაჩხუთის“ მეტოქე წილისყრის შედეგად 24 ნოემბერს გაირკვევა. დაპირისპირება ორმატჩიანი იქნება და 8-9 და 15-16 დეკემბერს გაიმართება.

სეო წილოსანი
სპორტული ჟურნალისტი

ამავე კატეგორიაში