თვითიზოლაციაში მყოფ პირებს გადასატანი საარჩევნო ყუთის მოთხოვნა 27 ოქტომბრის 14:00 საათამდე შეეძლებათ

26 ოქტომბერი 2020, 17:40 1048 ნახვა

ცენტრალური საარჩევნო კომისიის გადაწყვეტილებით, თვითიზოლაციაში მყოფი პირებისთვის გადასატანი საარჩევნო ყუთის მოთხოვნის ვადა ერთი დღით გახანგრძლივდა.

მოქალაქეებს საშუალება აქვთ 27 ოქტომბრის დილის 10:00 საათიდან შუადღის 14:00 საათამდე, ცესკო-ს სატელეფონო საინფორმაციო ცენტრში დარეკონ და გადასატანი ყუთი მოითხოვონ.

ცენტრალური საარჩევნო კომისიის პრესსპიკერის განცხადებით, ამ ეტაპზე 4000-ზე მეტმა ამომრჩეველმა უკვე მიმართა.

ანა მიქელაძის თქმით, ხვალ დილიდან, დაიწყება სოციალური ქსელისა და მედიის საშუალებით, ინფორმაციის მიწოდება ვადის გახანგრძლივების შესახებ.

''კიდევ ერთხელ მივმართავთ მოქალაქეებს დარეკონ ცესკო-ს სატელეფონო საინფორმაციო ცენტრში ტელეფონის ნომერზე 2 51 00 51, შიდა ნომერი 0 და დროულად მოითხოვონ გადასატანი საარჩევნო ყუთით მომსახურება“, – განაცხადა ანა მიქელაძემ.

აჭარის საზოგადოებრივი მაუწყებელი
ადმინისტრატორი

ამავე კატეგორიაში

#უსმინეთ!

#უყურეთ!

ამინდი