შატილში ავტოავარიაში გარდაცვლილთა რიცხვი 17-მდე გაიზარდა, დაშავებულია სამი ადამიანი

24 აგვისტო 2020, 07:16 530 ნახვა

შინაგან საქმეთა სამინისტროს ინფორმაციით, შატილში მომხდარი ავტოსაგზაო შემთხვევის დროს სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. მომხდარის შედეგად, გარდაიცვალა 17 და მძიმედ დაშავდა 3 მოქალაქე.

უწყების ცნობით, შეზღუდული ხილვადობის, რთული მეტეოროლოგიური და რელიეფური პირობების მიუხედავად, სამაშველო სამუშაოები უწყვეტ რეჟიმში გვიანობამდე გაგრძელდა.

მეხანძრე-მაშველებმა ხევში გადავარდნილი 3 დაშავებული მოქალაქე უსაფრთხო ადგილზე ამოიყვანეს, შემდეგ კი კლინიკაში გადაიყვანეს. 

დაშავებულები პირველ საუნივერსიტეტო კლინიკაში იმყოფებიან და ექიმების განმარტებით მათი მდგომარეობა მძიმეა. 

აჭარის მაუწყებელი
სოც. ადმინისტრატორი

ამავე კატეგორიაში