ბელარუსში პროტესტს მსხვერპლი მოჰყვა

11 აგვისტო 2020, 10:41 1244 ნახვა

ბელარუსში საპროტესტო აქციების დროს მომხდარი არეულობის შედეგად ერთი ადამიანი გარდაიცვალა.   ქვეყნის  შინაგან საქმეთა სამინისტროს   ინფორმაციით,  ინციდენტის შედეგად 7 ადამიანი დაშავდა. 

ბელარუსში საპროტესტო აქციები ორი დღეა მიმდინარეობს.   მოქალაქეები საპრეზიდენტო არჩევნების წინასწარ ოფიციალურ შედეგებს აპროტესტებენ, რომლის თანახმადაც მოქმედმა პრეზიდენტმა ალექსანდრე ლუკაშენკომ ამომრჩევლების ხმების 80.23% მიიღო. ბელარუსის პოლიციამ აქციის დასაშლელად რეზინის ტყვიები და ცრემლსადენი გაზი გამოიყენა.

გუშინ ცნობილი გახდა, რომ ბელარუსის პრეზიდენტობის ოპოზიციონერი კანდიდატი, სვეტლანა ტიხანოვსკაია საპროტესტო აქციებში მონაწილეობას არ მიიღებს.

აჭარის საზოგადოებრივი მაუწყებელი
ადმინისტრატორი

ამავე კატეგორიაში