სურსათის ეროვნულმა სააგენტომ იმ ობიექტების ჩამონათვალი განსაზღვრა, რომლებიც ფუნქციონირებას გააგრძელებენ

21 მარტი 2020, 11:58 1619 ნახვა

მოქმედი უწყებათაშორისი საკოორდინაციო საბჭოს გადაწყვეტილებით, გარემოს დაცვისა და სოფლის მეურნეობის სამინისტროს სურსათის ეროვნულმა სააგენტომ იმ ბიზნესოპერატორების ჩამონათვალი განსაზღვრა, რომლებიც ფუნქციონირებას განაგრძობენ.

ესენია:ა) სურსათის/ცხოველთა საკვების საცალო/საბითუმო ვაჭრობის ობიექტები, სურსათის სამაცივრე მეურნეობები; სურსათის მწარმოებელი/გადამამუშავებელი საწარმოები (მათ შორის, პურფუნთუშეულის საცხობები, ცხოველთა სასაკლაოები (სააგენტოსთან დადებული ხელშეკრულების საფუძველზე); საზოგადოებრივი კვების ობიექტები მხოლოდ მიწოდების სერვისით; ცხოველის საკვების გადამამუშავებელი საწარმოები; სურსათის/ცხოველთა საკვების დისტრიბუტორები (მათ შორის იმპორტიორები);ვეტერინარული კლინიკები;ცოცხალი ცხოველების ბაზრები,ცხოველთა ფერმები;ვეტერინარული აფთიაქები ზოომაღაზიები;პესტიციდებისა და აგროქიმიკატების აღიარებული საცალო/საბითუმო ობიექტები;სურსათის/ცხოველთა საკვების ლაბორატორიები; საყოფაცხოვრებო ქიმიისა და ჰიგიენის მაღაზიები.

სურსათის ეროვნული სააგენტოს ცნობით, აღნიშნული ბრძანების აღსრულების მიზნით, სურსათის ეროვნული სააგენტოს შესაბამისი სამსახურები უზრუნველყოფენ ბიზნესოპერატორების ინფორმირებას და რეკომენდაციების გაცემას.

აჭარის საზოგადოებრივი მაუწყებელი
ადმინისტრატორი

ამავე კატეგორიაში