უზენაესი სასამართლო საკონსტიტუციო სასამართლოს მოსამართლეს წარადგენს

20 სექტემბერი 2016, 00:00 2213 ნახვა

უზენაესი სასამართლო დღეს საკონსტიტუციო სასამართლოს წევრს აირჩევს. პლენუმის სხდომა ამ წუთებში მიმდინარეობს. სავარაუდო კანდიდატად თეიმურაზ ტუღუში სახელდება. შეგახსენებთ, საკონსტიტუციო სასამართლოს ოთხ მოსამართლეს - გიორგი პაპუაშვილს, კონსტანტინე ვარძელაშვილს, ქეთევან ერემაძესა და ოთარ სიჭინავას - უფლებამოსილების 10-წლიანი ვადა ეწურება. ოთხი ვაკანტური ადგილიდან ერთი მოსამართლე პარლამენტმა უნდა დანიშნოს, ერთი - უზენაესი სასამართლოს პლენუმმა, ორი კი პრეზიდენტმა. გიორგი მარგველაშვილმა მისი კვოტით განსაზღვრულ ადგილებზე, საკონსტიტუციო სასამართლოს მოსამართლეებად, ირინე იმერლიშვილი და გიორგი კვერენჩხილაძე უკვე დანიშნა.

ნუცა ჩხაიძე

ჟურნალისტი