ძიუდოს ლეგენდა ტედი რინერი თბილისის გრან პრიზე იასპარეზებს

21 თებერვალი 2020, 10:15 2165 ნახვა

ძიუდოს ფრანგი ლეგენდა ტედი რინერი თბილისის გრან პრიზე ასპარეზობას გეგმავს. 30 წლის რინერმა წინასწარი განაცხადი უკვე გააკეთა და თუკი არაფერი შეიცვალა, ფრანგს თბილისში 27-29 მარტს დაგეგმილ გრან პრიზე ვიხილავთ.

რინერი ოლიმპიადის 2-გზის, მსოფლიოს 8 და ევროპის 5-გზის ჩემპიონია. საფრანგეთის ძიუდოს ნაკრებს თბილისური ქვოტა სრულად შეავსო და როგორც კაცებში, ასევე ქალებში 14-14 ძიუდოისტის ჩამოყვანას აპირებს.

ამ დროისთვის, თბილისის გრან პრიზე 49 ქვეყნის 221 ძიუდოისტი (115 კაცი+106 ქალი) არის დარეგისტრირებული. მანამდე კი გერმანიის ქალაქ დიუსელდორფში დღეიდან 23 თებერვლის ჩათვლით 7 წონით კატეგორიაში 14 ქართველი ძუდოისტი მიიღებს მონაწილეობას.

დღეს ხალიჩაზე 2 წონით კატეგორიაში 4 ქართველი იასპარეზებს. 60კგ წონით კატეგორიაში ძალებს თემურ ნოზაძე და ჯაბა პაპინაშვილი მოსინჯავენ, ხოლო 66კგ წონით კატეგორიაში ვაჟა მარგველაშვილი და ბაგრატ ნინიაშვილი გამოვლენ.

სეო წილოსანი

სპორტული ჟურნალისტი