17 ქართველი სპორტსმენი დიდი სლემის ტურნირზე

08 თებერვალი 2020, 12:20 1003 ნახვა

დიდი სლემის ტურნირზე საფრანგეთის დედაქალაქ პარიზში საქართველოს ნაკრები 10 წონით კატეგორიაში 17 სპორტსმენით ასპარეზობს. შეჯიბრებაში 121 ქვეყნის 742 ძიუდოისტი მონაწილეობს. გასული წლისგან განსხვავებით ამჯერად ტურნირზე ქართველი ქალი ძიუდოისტებიც გამოვლენ.

შეჯიბრებაში ტატიანა ლევიცკა-შუკვანი, მარიამ ჯანაშვილი,ეთერ ლიპარტელიანი,მარიამ ჭანტურია, და სოფიო სომხიშვილი ჩაერთვებიან. გრანდ სლემზე გამოვა გასული წლის ჩემპიონი 100 კგ წონით კატეგორიაში ვარლამ ლიპარტელიანი. 2019 წელს პარიზის გრანდ სლემზე ნაკრებმა სულ 4 მედალი მოიპოვა.ვაჟა მარგველაშვილმა ვერცხლის, თემურ ნოზაძემ და ლაშა შავდათუაშვილმა კი ბრინჯაოს მედლები დაისაკუთრეს.

აჭარის საზოგადოებრივი მაუწყებელი

ადმინისტრატორი