უშედეგო შეხვედრა თუთუნის მწარმოებლებთან
15 ნოემბერი 2019, 20:07 1853 ნახვაპროტესტის შემდეგ თუთუნის მწარმოებლებს, აჭარის მთავრობის თავმჯდომარე, მედიის გარეშე შეხვდა. როგორც გაირკვა თორნიკე რიჟვაძემ ფერმერებს რეალიზაციაში დახმარება შესთავაზა, თუმცა ვინ და რა ფასად შეისყიდის ნედლეულს არ დაუკონკრეტებია. ფერმერთა ნაწილმა პროტესტის ნიშნად შეხვედრა დატოვა.
განაცხადეს, რომ პრობლემის გადაჭრის კონკრეტული გზების ნაცვლად, მთავრობის თავმჯდომარისგან ფუჭი დაპირებები მოისმინეს. მათი თქმით, იმ შემთხვევაში თუ რეგულაციები არ გადაიხედება, აქციები გაგრძელდება. შეხვედრას შემოსავლების სამსახურის წარმომადგენელიც ესწრებოდა, რომელმაც არ გამორიცხა, რომ ფინანსთა მინისტრის სპეციალური ბრძანებით ფერმერები კანონმდებლობით გათვალისწინებული ვალდებულებებისგან გათავისუფლდნენ.
საუბარია დაგეგმილ ცვლილებაზე, რომლის თანახმადაც მეთუთუნეებს 21 ნოემბრიდან ნედლეულის შეფუთვა და აქციზის გადასახადის გადახდა სავალდებულო ხდება.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
28 დეკემბრიდან 29 დეკემბრის დილამდე საქართველოში მოსალოდნელია დროგამოშვებით ნალექი, მთაში ზოგან ძლიერი თოვა და ქარბუქი - გარემო
გადასვლა პოსტზე 
მაუწყებლობა