ამერიკელი კონგრესმენები წეროვანში

09 ნოემბერი 2019, 12:00 867 ნახვა

საქართველოში ვიზიტით მყოფი ამერიკელი კონგრესმენები წეროვანში, მარო მაყაშვილის სახელობის სამხედრო მოსამსახურეთა სარეაბილიტაციო ცენტრს ეწვივნენ. ესაუბრეს , საერთაშორისო სამშვიდობო მისიაში დაშავებულ სამხედრო მოსამსახურეებს.

ამერიკელმა სტუმრებმა ცენტრის ინფრასტრუქტურა და ახალი სარეაბილიტაციო ცენტრის სამშენებელო სამუშაოებიც დაათვალიერეს. დასავლური სტანდარტების სარეაბილიტაციო ცენტრი, რომელიც წლის ბოლომდე გაიხსნება, აშშ-ის მხარდაჭერით შენდება და უახლესი ტექნოლოგიებით იქნება აღჭურვილი.

საქართველოში, ვიზიტის ფარგლებში, კონგრესმენებმა თავდაცვისა და უსაფრთხოების კონფერენციაშიც მიიღეს მონაწილეობა. კონფერენციის ფარგლებში მათ საქართველოს თავდაცვის მინისტრთან, ირაკლი ღარიბაშვილთან გამართეს შეხვედრა.

აჭარის საზოგადოებრივი მაუწყებელი

ადმინისტრატორი