თხილნარში საავტომობილო მოძრაობა შეზღუდულია
06 სექტემბერი 2016, 00:00 3967 ნახვახელვაჩაურის მუნიციპალიტეტის სოფელ თხილნარში აღდგენითი სამუშაოები გრძელდება. სოფლის იმ ნაწილში, სადაც მეწყერმა ზედა თხილნართან დამაკავშირებელი გზა გადაკეტა, სპეციალური ტექნიკა ღამითაც მუშაობდა. თუმცა იმის გამო, რომ მეწყრული პროცესები მუნიციპალიტეტის სხვა დასახლებებშიც განვითარდა და ტექნიკა საკმარისი არ აღმოჩნდა, მოძრაობა სრულად აღდგენილი ჯერ კიდევ არ არის. თხილნარში მიმდინარე სამუშაოები ხელვაჩაურის მუნიციპალიტეტის გამგებელმა მოინახულა. ნადიმ ვარშანიძემ მოსახლეობას შექმნილი ვითარების გამო ბოდიში მოუხადა და განაცხადა რომ საავტომობილო მიმოსვლა სრულად უახლოეს საათებში აღდგება. ამასთან გაგრძელდება სალიკვიდაციო სამუშაოები სტიქიის სხვა ტერიტორიებზე. წინასწარი ინფორმაციით, ძლიოერი წვიმის შედეგად ხელვაჩაურის მუნიციპალიტეტი ნახევარი მილიონი ლარით დაზარალდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა