ხანძრის შედეგად ხის სახლი მთლიანად დაიწვა - ოჯახი ღია ცის ქვეშ დარჩა
28 მაისი 2019, 20:23 9220 ნახვაბათუმში, ხახულის ქუჩაზე ხანძარი იყო. ცეცხლმა ხის სახლი მთლიანად გაანადგურა. ოჯახი ღია ცის ქვეშ დარჩა.
ხანძრის შედეგად არავინ დაშავებულა, თუმცა მედიკოსების დახმარება ფეხმძიმე ქალს დასჭირდა, რომელიც ხანძრის გაჩენის მომენტში სახლში იმყოფებოდა.
სასწრაფო სამედიცინო დახმარების ბრიგადამ ახალგაზრდა ქალი, პროფილაქტიკის მიზნით, გამოკვლევებისთვის საავადმყოფოში გადაიყვანა.
ცეცხლი გაჩენის დროს სახლში მცირეწლოვანი ბავშვი იმყოფებოდა, თუმცა ოჯახის წევრებმა სახლი დროულად დატოვეს.
ხანძრის გამომწვევ მიზეზებს გამოძიება დაადგენს.
აჭარის საზოგადოებრივ მაუწყებელს, დაზარალებული ოჯახის ერთ-ერთმა წევრმა უთხრა, რომ ცეცხლი თხევადი გაზის ჭურჭელს გაუჩნდა.
''შეგვეშინდა არ აფეთქებულიყო და სახლი სწრაფად დავტოვეთ. სხვა არაფერი ვიცი. ნივთების მცირე ნაწილის გამოტანა მოვახერხეთ მხოლოდ''.
ადგილზე მაშველები ამ დრომდე მუშაობენ. ხანძარი ლიკვიდირებულია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა