ბათუმის აეროპორტში ისრაელის მოქალაქის ბარგში ნარკოტიკული საშუალებები იპოვეს
13 თებერვალი 2019, 00:00 1765 ნახვა
11 თებერვალს ბათუმის აეროპორტის საბაჟო გამშვებ პუნქტზე მებაჟეებმა ნარკოტიკული ნივთიერების შემცველი მედიკამენტები აღმოაჩინეს. 48 აბი ნარკოტიკული ნივთიერება ისრაელის მოქალაქეს ი.ტ-ს ეკუთვნოდა.
''ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, ისრაელის მოქალაქის ი.ტ-ს კუთვნილი ხელბარგის დათვალიერებისას, ნარკოტიკული (48 აბი) ნივთიერების შემცველი მედიკამენტები გამოავლინეს. საქმე, შემდგომი რეაგირების მიზნით, შინაგან საქმეთა სამინისტროს გადაეცა'' - წერია უწყების მიერ გავრცელებულ ინფორმაციაში
აღნიშნულ ფაქტზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 260-ე და 262-ე მუხლებით დაიწყო, რაც ნარკოტიკული საშუალების უკანონო შეძენა-შენახვას და საქართველოში უკანონოდ შემოტანას გულისხმობს.
დანაშაული 9 წლამდე ვადით თავისუფლების აღკვეთას ითვალისწინებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა