მაღალმთიან აჭარაში მოთოვა - 350 ოჯახს ელექტროენერგია გაეთიშა

13 დეკემბერი 2018, 00:00 3066 ნახვა

მაღალმთიან  აჭარაში,  გოდერძის უღელტეხილზე თოვლის საფარმა ნახევარ მეტრს მიაღწია, დაბაში კი 2-3 სანტიმეტრია. ამ დროისთვის დენის გარეშეა დარჩენილი 350-მდე ოჯახი დანისპარაულისა და ხიხაძირის ხეობის სოფლებში. ხულოს მერის მოვალეობის შემსრულებლის ინფორმაციით, ამ დროისთვის მუშაობენ ''ენერგო-პრო ჯორჯიას'' ბრიგადები.

კომპანიაში აცხადებენ, რომ თოვლის გამო დაზიანდა ელექტროგადამცემი ხაზები და უმოკლეს დროში მოხდება სადენების აღდგენა.

თოვლს პრობლემა არ შეუქმნია გადაადგილების მხრივ,  მუშაობს ყველა საგანმანათლებლო დაწესებულება.

ლენა მამულაძე
ჟურნალისტი

ამავე კატეგორიაში